السلام عليكم
طبعا العزابة المغتربين بالذات بياكلو الفول المعلب .. وطبعا طعمو بعيد كل البعد عن فول الفوال هنا في السودان
"دي طريقة تخلي الفول المعلب .. زي ما بيقولوا " فول مس معقول
محتاجين علبة فول << طبعا
وكتشب يفضل حار وبالثوم كمان للرجالة
ملح وبهارات " شمار اهم حاجة " فلفل اسود وكزبرة كن دايرين
صلصة
"ثوم مدقوق " ما عايزة نقنقة الحناكيش يشتروا بدرة ثوم
موية حارة
روب << او جبنة بيضا
وبصل للي عايز
بوتوجاز وحلة << قولي والله
الطريقة طبعا نكب الفول في حلة ونقطع فوقو طماطم وبصل ونكب تقريبا نص كباية كتشب بي صلصة وشوية موية
وتوم والبهارات وملح << ناس الضغط معليش ما تكبو ملح << نحن بعون الله نرعاكم << ياقول الفقيه ولا منو ما عارفة
المهم بعداك الباقي واضح الانسان الطبيعي حيقوم بعد يسخن الفول يختو في صحن وجمبو الجبنة << انا بفضل الزبادي مع عيشة حارة
وكل سنة وانتو عزابة
الأربعاء ديسمبر 26, 2007 9:40 pm
