طريقة العجينه منقولة .. في الخلاط تخلط بيضتين ونص فطعة زبدة ونص كباية حليب وملعقة فانيليا 4 ملاعق سكر يفضل مسحون وقشر برتكان ولا ليمون ...
تجيب 3 كبابي دقيق عادي ونص .. مع شوية هبهان وقرفة ورشة ملح وملعقتين كبار خميرة فورية
.. تجيب اللي في الخلاط وتعجن بيهو الدقيق مع الحاجات دي .. والعجينة خليها على شكل كورة بعدين امسحا بشوية زيت من بره وخليها لمدة 3 ساعات .. ما تستعجل عليها شديد الصبر طيب ..
لمن تكبر افردا بالنشابة ولا بي كباية وفتحا من النص بي غطا قزازة بارد .. وما تكون تخينة شديد خليها رفيعة لانها بتنتفخ في النار ..وحمرا في زيت حار ..
لمن تبرد اعمل ليها في الوش اي حاجة .. كستر مثلا ( طريقتو في علبة الكستر ) بس يكون اتقل شوية من العادي ..
او حشوة تانية .. سكر مسحون وهبهان بي شوية موية لمن يبقى زي العجين بعداك امسحو في الوش ..
وبالشفا والهنا
ان شاء الله تكون الوصفة عجبتك
الأربعاء ديسمبر 26, 2007 9:26 pm
