لو عندك سمك وعايز تطبخه .. تطبخه كيف ؟ ..
أها نحن هناك عزابة وهنا عزابة
جيعان شديد وما عايز أمشي المطعم
( كسلان يا اخي انت مالك مش سوداني ) ..
عندي سمك ني يعني من البحر يعني ميت في التلاجة
ولحمة برضو في التلاجة
وبطاطس بس دي ما في التلاجة
ولحمة مفرومة وخضار في التلاجة
ومشتهي السمك
اقوم اعملو كدا :
أول حاجة اغسل السمك كويس
تاني حاجة احضر البهارات على جمب كدا
اسلق السمك في موية حارة لمدة نص ساعة
أقوم أجيب الطوة وأخت فيها زيت وأقلب السمك في الزيت
لما يقرب يحرق ويشموه جيران جيرانا
بعد كدا أخت البهارات
واقلب السمك لما يتفتفت ويمسك في الطوة من الأسفل..
وبعد كدا لو نفع آكله
ولو ما نفع
أخت زيت في الطوة وملح وبيض وفلفل وكان الله يحب المحسنين